दाङ। लमही नगरपालिका-६, देउपुर स्थित देउखुरी पब्लिक स्कुलमा तेक्वान्दो ग्रेडिङ कार्यक्रम भव्य रूपमा सम्पन्न भएको छ।
स्कुलका डोजाङ प्रमुख तिर्थराज पाण्डेको अध्यक्षता सम्पन्न भएको कार्यक्रममा स्कुलका प्रधानाध्यापक भूमाण्डप के.सी., दाङ तेक्वान्दो संघका अध्यक्ष विष्णु अधिकारी, उपाध्यक्ष तिलक झाक्रिमगर, राष्ट्रिय रेफ्री तथा ग्रेडिङ प्रशिक्षक यशोदा नेपाली, स्कुलका शिक्षक, विद्यार्थी, खेलाडी तथा अभिभावकहरूको उपस्थिति रहेको थियो।
नेपाल तेक्वान्दो संघको वार्षिक कार्यक्रमअनुसार स्कुलको डोजाङमा आयोजित उक्त ग्रेडिङ कार्यक्रममा ५० जना खेलाडीहरू सफलतापूर्वक प्रमोसन भएका छन्।
हाल देउखुरी पब्लिक स्कुलमा प्रशिक्षक तिर्थराज पाण्डेको नेतृत्वमा बिहानको सत्रमा दुई सिफ्टमा नियमित तेक्वान्दो कक्षाहरू सञ्चालन भइरहेका छन्।
कार्यक्रमको सहजीकरण स्कुलका शिक्षक सन्दीप खनालले गर्नुभएको थियो।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
