• २९ असार २०८१, शनिबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
राप्ती गाउँपालिका वडा नं. ८ लाई बालमैत्री वडा घोषणा गर्ने तयारी




तुल बहादुर कवँर मगर
भालुबाङ । दाङको राप्ती गाउँपालिका वडा नं. ८ लाई बालमैत्री वडा घोषणा गर्ने तयारी थालिएको छ।

बालमैत्री वडा घोषणाकाे लागि आवश्यक ५१ सुचकहरु मध्ये अधिकांश सूचकहरु पूरा गरि बालमैत्री वडा घोषणा गर्न लागिएको राप्ती गाउँपालिका महिला तथा बालबालिका शाखा प्रमुख जीवन कुमारी जिसीले जानकारी दिनुभयो ।

यसै क्रममा मंगलबार बालमैत्री वडा घोषणा संचालन सम्बन्धी पिपरीमा एक दिने अभिमुखिकरण कार्यक्रम सम्पन्न भएको छ।

राप्ती गाउँपालिका वडा नं.८ का कार्यवाहक अध्यक्ष दयाराम चाैधरीकाे अध्यक्षता तथा गाउँपालिकाकि उपाध्यक्ष कमलापती चाैधरीकाे प्रमुख आतिथ्यतामा भएको उक्त कार्यक्रममा बाेल्दै उपाध्यक्ष चाैधरीले बालबालिकाहरुकाे हक अधिकारलाई सुनिश्चित गर्न सबै क्षेत्र बालमैत्री हुनुपर्ने बताउदै त्यसको लागि सबै पक्षकाे साथ र सहयोगकाे आवश्यकता हुने बताउनुभयो ।

त्यस्तै उपाध्यक्ष चाैधरी आगामी दिनमा आवश्यक सम्पूर्ण सूचकहरु पूरा गरि पालिकाका नाै वटै वडाहरुलाई क्रमश बालमैत्री वडा घाेषण गरि पालिकालाई नै बालमैत्री घाेषण गर्ने पालिकाकाे लक्ष्य रहेको समेत बताउनुभयो ।

अभिमुखिकरण कार्यक्रममा बालमैत्री वडा घाेषणा कार्यविधि २०८० अनुसारको कार्यान्वयनका तहगत खुड्किलाहरु, बालमैत्री वडा घाेषणाका लागि आवश्यक ५१ वटा सुचकहरु, विद्यालय तथा समुदाय तहमा बाल समूह गठन,पुर्नगठन तथा बालभेला लगायतका बिषयमा पालिकाकी महिला तथा बालबालिका शाखा प्रमुख जीवन कुमारी जिसीले जानकारी गराउनु भएको थियो।

अभिमुखीकरण कार्यक्रममा वडाका जनप्रतिनिधि,वडामा क्रियाशील राजनैतिक दलका प्रतिनिधि,टाेल विकास संस्थाका प्रमुख,विद्यालयका प्रधानाध्यापक,स्वास्थ्यकर्मी,पालिका स्तरीय बाल सञ्जालका पदाधिकारी लगायत सराेकारवालाहरुकाे सहभागीता रहेको थियो ।

पालिकाकी महिला तथा बालबालिका शाखा प्रमुख जीवन कुमारी जिसीकाे स्वागत मन्तव्य बाट शुरु भएको कार्यक्रमकाे सहजीकरण वडा सचिव अकलेस कुमार चाैधरीले गर्नुभएको थियोे ।

Facebook Comments