श्रवण कुमार यादव
गढवा। जातिय भेदभाव तथा छुवाछुट उन्मुलन राष्ट्रिय दिवस २०८१ को अवसरमा समुदाय प्रहरी साझेदारी कार्यक्रम अन्तर्गत सचेतनामुलक कार्यक्रम सम्पन्न भएको छ।
राजपुर गाउँपालिका-२, स्थित श्री जन ज्योति माध्यमिक विद्यालयमा सम्पन्न उक्त कार्यक्रममा जातीय छुवाछुत, विभेद र हिंसा सम्बन्धी संविधान, कानूनमा भएको व्यवस्था र जातीय हिंसा र छुवाछुत विरुद्ध जनचेतना लगायतका विविध जागरणमूलक विषयमा छलफल तथा अन्तरक्रिया भएको थियो।
ईलाका प्रहरी कार्यालय गढवाकोे आयोजना तथा जन ज्योति माध्यमिक विद्यालयका प्रध्यानाध्यापक केशव राम यादवको अध्यक्षतामा भएको कार्यक्रममा कक्षा ९ र १० मा अध्ययनरत छात्र/छात्रा गरी करिब १४०-१५० जना विद्यार्थीहरुको सहभागिता रहेको थियो।
ईलाका प्रहरी कार्यालय गढवाका कार्यालय प्रमुख प्रहरी निरीक्षक कालिका कार्कीबाट प्रशिक्षण प्रदान गरी कार्यक्रम सम्पन्न गरिएकाे थियाे।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
