देउखुरी । दाङ – देउखुरीकाे राप्ती गाउँपालिकाको आयोजनामा एकदिने कानुनी साक्षरता कार्यक्रम वडा नं. ८ काे पिपरी शनिबारमा सम्पन्न भएको छ ।
राप्ती गाउँपालिकाकी उपाध्यक्ष तथा न्यायीक समितिकि संयाेजक कमलापती चाैधरीकाे अध्यक्षतामा सम्पन्न उक्त कार्यक्रममा स्थानीय तहहरुबाट हेरिने मुद्दा र यसको प्रकृतिका बारेमा जानकारी गराइएको थियो ।
गाउँपालिकाका कानुनी सल्लाहकार अधिवक्ता हरि बेल्वासेले न्यायिक समितिको गठन प्रक्रिया, न्यायिक समितिले हेर्ने मुद्दाहरु, न्यायिक निरुपण गर्दा अपनाइने सामान्य सैद्धान्तिक आधार, स्थानीय तहबाट निरुपण हुने विवादका विविध पक्षमा प्रशिक्षण दिनुभएको थियो ।
कार्यक्रममा टोल विकास संस्थाका सदस्य एवं नागरिक अगुवाहरुकाे सहभागीता रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
