शोभराज बराल
काठमाडौं – जनपत्रकार संगठन नेपालको सचिवालय बैठक सम्पन्न भएको छ । बैठकले संगठनका पूर्वअध्यक्ष प्रकाश डुम्रेको नेतृत्वमा महासंघको निर्वाचनमा जाने निर्णय गरेको छ ।
शुक्रबार बुद्धनगरमा बसेको बैठकले प्रकाशको नेतृत्वमा बसन्त वि.क, शोभराज बराल, शाहस भट्ट, सुदर्शनराज पाण्डेलाई केन्द्रमा पठाउने निर्णय गरेको छ । आगामी जेठ २६ गते हुने निर्वाचनमा एलायन्सका लागि अरु संगठनहरुसँग छलफल गर्ने अध्यक्षको नेतृत्वमा कार्यदलसमेत गठन गरेको छ ।
कार्यदलमा उपाध्यक्ष जानकारी चौधरी र सल्लाहकार राजेन्द्र चिमौरिया लगायत रहेका छन् । शेरबहादुरको अध्यक्षतामा बसेको बैठकमा नेकपा स्थायी समिति सदस्य तथा संगठनका फ्याक्सन इन्चार्ज अनिल सीको प्रमुख आतिथ्यता रहेको थियो ।
बैंठकलाई सम्बोधन गर्दै अनिल सीले संगठन वैचारिक र राजनीतिक रुपमा बलियो भएकाले संगठनको जित निश्चित भएको बताए । साथै, उनले संगठनका सबै उम्मेदवारलाई सहयोग गर्न निर्देशन पनि दिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
