सल्यान । सल्यानको दार्मा गाउँपालिकामा भूकम्पबाट क्षति व्यहोरेका ९५२ घरपरिवारको अस्थायी टहरा निर्माण भएका छन् । गत कार्तिक १७ गते जाजरकोटको रामीडाँडा केन्द्रविन्दु बनाई गएको भूकम्पले दार्मामा मात्रै एक हजार १७९ घरमा क्षति पुगेको थियो ।
विभिन्न संघ संस्था, राजनितीक दल तथा पिडित परिवार आफैले हाल सम्म ९५२ वटा टहरा निर्माण गरेको दार्मा गाउँपालिकाले जनाएको छ ।
सम्बन्धीत घरपरिवार आफैले ६६६ अस्थायी टहरा निर्माण गरेका छन् । यस्तै नेकपा माओवादी केन्द्रले २६२ र नेकपाले १७ वटा टहरा बनाईदिएको गाउँपालिकाका अध्यक्ष निम बहादुर केसीले जानकारी दिनुभयो ।
यस्तै नेपाली सेनाले ४ वटा र एकिकृत समाजवादीले ३ वटा टहरा निर्माण गरेको पनि उहाँले जनाउनुभयो ।
हालसम्म अस्थायी आवास निर्माणका लागि ५२० घरधुरिलाई पहिलो किस्ता वापतको रकम भुक्तानी भएको पनि गाउँपालिकाले जनाएको छ । भुकम्पका कारण जिल्लाभरी एक हजार ७ सय बढी घर पूर्ण रुपमा क्षति भएका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
