तुलसीपुर । दाङको बबई गाउँपालिका वडा नं.५ जौबारीबाट ६० जना माओवादी केन्द्रमा प्रवेश गरेका छन् । शुक्रबार सोही ठाउँमा भएको कार्यक्रमबा बिभिन्न पार्टी परित्याग गरि ६० जना माओवादी केन्द्रमा प्रवेश गरेका हुन् ।
नवप्रवेशीहरुलाई लुम्बिनी प्रदेशका अर्थमन्त्री धनबहादुर मास्कीले स्वागत गरेका छन् । त्यस अवसरमा उनले पश्चिम दाङको विकास भएमा मात्रै दाङका विकास भएको मानिने बताए । पश्चिम गंगटे,जिल्ला, सिमलकुनाजस्ता ठाउँको विकास भएमा मात्रै समग्र दाङको विकास भएको मान्न सकिने भन्दै ति स्थानको विकासकालािग आफू लागेको बताए ।
उनले गंगटेमा प्रहरी चौकीकालागि बजेट परेको भन्दै केही समयमा त्यहाँ प्रहरी चौकी स्थापना भएमा सहज हुने बताए । त्यस्तै गंगटे पुग्ने सडक स्तरबृद्धिको समेत काम भइरहेको बताए ।
पश्चिम दाङका ९ वटा खोलामा पुलकालागि समेत बजेट हालेको उनको भनाई छ । त्यस अवसरमा पार्टीका पालिका अध्यक्ष एकलाल घर्ती, उपाध्यक्ष यज्ञ वली, कार्यालय सदस्य दीपक शाह, केवी खड्कालगायतको सहभागिता रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
