घोराही । दाङ चेम्बर अफ कमर्शले घोराहीमा आयोजना गर्न लागेको लुम्बिनी प्रदेशस्तरीय दाङ एक्सपो–२०८० आउँदो माघ १२ गतेदेखि २६ गतेसम्म हुने भएको छ ।
चेम्वरले शुक्रबार घोराहीमा पत्रकार सम्मेलनको आयोजना गरी यस अगाडीको निर्धारित समय विविध कारणले सार्नुपरेको जानकारी दिएको छ । यस अगाडी माघ २५ गतेदेखि एक्सपो हुने भनिएको थियो ।
चेम्बरका अध्यक्ष विकास अग्रवालले पहिलेको मिति भन्दा १३ दिन अगाडी नै एक्सपो लगाउन लागिएको र यसका लागि तयारी व्यापक बनाइएको बताउनुभयो । चेम्बरका निवर्तमान अध्यक्ष बलदेव योगीले रातदिन नभनेर एक्सपोलाई सफल बनाउन चेम्बर लाग्ने र सबैले साथ सहयोग गर्नेमा आफूहरु विश्वस्त गरेको बताउनुभयो । पत्रकार सम्मेलनमा स्थानीय उत्पादनदेखि कृषिजन्य सामग्रीहरुको स्टल पनि रहने जानकारी गराइएको थियो ।
सो अबसरमा एक्सपोमा स्थानीय कलाकारहरुदेखि केन्द्रका कलाकारहरुको पहिलो चरणको नाम पनि सार्वजनिक गरिएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
