दाङ । चिकित्सा शिक्षा सुधारका लागि लामो समयदेखि आन्दोलनरत अभियन्ता डा. गोविन्द केसी घोराही आइपुगेका छन् । उनी बिहिवार बेलुका घोराही आइपुगेका हुन् ।
गेटा मेडिकल कलेजलाई अघि बढाउन केही दिन अघि आफ्नो अनसनका कार्यक्रम सकेर डा. केसी यहाँ आएका हुन् । उनले घोराहीको राप्ती स्वास्थ्य विज्ञान प्रतिष्ठानको स्थलगत अवलोकन गरेका छन् । प्रत्येक प्रदेशमा एउटा सरकारी मेडिकल कलेज हुनुपर्ने माग उनले विगतदेखि नै राख्दै आएका थिए ।
ग्रामीण क्षेत्रमा पनि मेडिकल कलेज सरकारीस्तरबाट स्थापना गरेर न्युन खर्चमा पनि डाक्टर पढ्न पाउनुपर्ने उनको माग रहँदै आएको छ । प्रतिष्ठानका विभिन्न वार्डहरु, यहाँको अवस्था, विएनएस तथा विएस्सी नर्सिङसहीत एमडि एमएसको पढाइको वारेमा पनि डा. केसीलाई प्रतिष्ठानका उपकुलपति डा. विकास लामिछानेले जानकारी गराएका हुन् ।
अवलोकनपछि डा. केसीले प्रतिष्ठानको सेवा सुधार भएकोमा खुसी ब्यक्त गर्दै शैक्षिक कार्यक्रम पनि अघि बढाउन सफल भएकोमा प्रतिष्ठानको नेतृत्वलाई वधाईसहीत धन्यवाद दिए । उनले छिट्टै एमविविएसको पढाई पनि प्रतिष्ठानले सुरु गर्ने विश्वास ब्यक्त गरे ।
प्रतिष्ठानका उपकुलपति डा. लामिछानेले एमविविएसको पढाईका लागि निरन्तर लागि परेको भन्दै सबैको सामुहिक पहलवाट नै केही शैक्षिक उपलब्धिहरु हासिल गर्न सफल भएको बताए । उनले एमविविएस पढाइका लागि पनि पुर्वाधारमा जोड दिइएको बताए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
