सल्यान । सल्यान बनगाडमा घाँस काट्ने क्रममा भीरबाट लडेर एकजना पुरुषको मृत्यु भएकोछ ।
जिल्लाको बनगाड कुपिण्डे नगरपालिका -१ अम्राका अन्दाजी ४५ वर्षीय दिपक कामीको मंगलबार बिहान भैसिलाइ घाँस काट्ने क्रममा घर नजिकैको बालुवासंग्रही नजिकैको भीरबाट चिप्लिएर मृत्यु भएको हो।
मंगलबार बिहान करिब ६ बजे कामी घरदेखि घाँस काट्न जङ्गलमा गएको बेला घाँस काट्ने क्रममा भीरबाट लडेर करिब ३० मिटर तल सडकमा खसि टाउको बजारिन पुग्दा उनको घटनास्थलमै ज्यान गएको जिल्ला प्रहरी कार्यलय सल्यानका सुचना अधिकारी गोपाल श्रेष्ठले जानकारी दिनुभयो।
।
स्थानीयले घटनाको जानकारी दिए लगतै इलाका प्रहरी कार्यालय देवस्थल र बालुवासङ्ग्रहिबाट प्रहरी टोली घटनास्थलमा पुगेर आवश्यक अनुसन्धान गरि शव पाेष्टमार्टमका लागि पठाउने तयारी गरिएको प्रहरीले बताएकोछ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
