घोराही । दाङ जिल्ला उद्योग वाणिज्य संघको यहि असोज १३ गते हुने निर्वाचनमा नेपाली काङ्ग्रेस निकट व्यापारी संगठन प्रजातान्त्रिक उद्यमी संघका र नेकपा माओवादी केन्द्र निकट व्यापारी संगठन नेपाल उद्याेग व्यापार संगठन, क्रान्तिकारी कम्युनिस्ट पार्टी नेपाल निकट व्यापारी संगठन अखिल राष्ट्रिय व्यापार उद्योग व्यापार संघ र राष्ट्रिय जनमोर्चा निकट व्यापारी संगठन राष्ट्रिय व्यापार तथा उद्योग व्यापार महासंघको संयुक्त रूपमा उम्मेदवारी दर्ता भएको छ ।
अध्यक्षमा वसन्त जोशी , वरिष्ठ उपाध्यक्षमा नरेश निखिल श्रेष्ठ, उद्योग उपाध्यक्षमा भरत राज रेग्मी, बाणिज्य उपाध्यक्षमा लिलाराम खड्का , महासचिवमा महेन्द्र बुढाथोकी , सचिबमा बिकास वली, कोषाध्यक्षमा जगत आचार्य र सहकोषाध्यक्षमा माधब खनालले उम्मेदवारी दर्ता गरेको हुन ।
साथै महिला सदस्यमा लिला नेपाली ,उद्योग सदस्यमा विक्रम राना, एसोसिएट सदस्यमा युवराज पोख्रेल, बस्तुगत सदस्यमा विष्णु प्रसाद रिजाल , बाणिज्य सदस्यहरुमा निमबहादुर बुढाथोकी, युवराज पन्त, दिपक पंडित , सुरज बुढाथोकी, पुष्पराज न्यौपाने, रुद्र बहादुर शर्मा, नर्वे तामाङ र रामप्रसाद पोख्रेलले दर्ता गरेको निर्वाचन समितिले जानकारी दिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
