घोराही । जिल्लामा स्वचालित कोटा प्रणालीको आधारमा मल वितरण गर्न थालिएको छ । जिल्लाका स्थानीय तहको कूल खेतीयोग्य जमिनको ६० प्रतिशत र विगतमा भएको मलको खपतलाई ४० प्रतिशत आधार मानी कोटा निर्धारण हुन थालेको छ ।
गत जेठ २९ गते स्वचालित कोटा प्रणाली लागु गर्ने निर्णय भएको थियो । त्यही निर्णयको आधारमा आइतबारदेखि कृषि सामग्री कम्पनी लिमिटेडले मल वितरण शुरु गरेको छ ।
प्रमुख जिल्ला अधिकारी सुशील वैद्यको अध्यक्षतामा बसेको बैठकले स्वचालित कोटा प्रणाली लागु गर्ने निर्णय गरेको थियो । बैठकमा कृषि ज्ञान केन्द्रका पृथ्वी लामिछाने, कृषि सामग्री कम्पनी लिमिटेड घोराहीका टोपाराम गौतम, तुलसीपुरका तीर्थराज न्यौपाने र साल्ट ट्रेडिङ कर्पोरेसन लिमिटेडका रामबाबुप्रसाद गुप्ताको सहभागिता थियो ।
बैठकले कायम गरेको स्वचालित कोटा प्रणाली अनुसार अब कृषि सामग्री कम्पनी लिमिटेड र साल्ट ट्रेडिङ कर्पोरेसन लिमिटेडमा आउने अनुदानको मल तोकिएको कोटामा मात्रै पालिकामा पठाइनेछ ।
यसअघि दुबै कार्यालयले फरक–फरक कोटा निर्धारण गरी मल स्थानीय तहमा पठाउँदै आएका थिए । दाङका प्रमुख जिल्ला अधिकारी सुशील वैद्यले दाङमा स्वचालित कोटा प्रणाली अनुसार मल वितरण शुरु भएको जानकारी दिनुभयो ।।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
