दाङ । घोराही उपमहानगरपालिका नगर खेलकुद विकास समितिको संयोजकमा नरेन्द्र पुनमगर चयन हुनु भएको छ ।
घोराही उपमहानगरपालिका–१४ निवासी पुनमगरलाई घोराही उपमहानगरपालिका नगर प्रमुख नरुलाल चौधरीले आज बुधवार नगर खेलकुद विकास समितिको संयोजकमा मनोनयन गरेका हुन ।
घोराही उपमहानगरपालिकाको नगर खेलकुद विकास समिति सञ्चालन कार्यविधि २०७९ को दफा ३ को उपदफा (१) बमोजिम समितिको संयोजकमा मनोनयन गरिएको नगर प्रमुख नरुलाल चौधरीद्वारा हस्ताक्षेरित विज्ञप्तिमा उल्लेख गरिएको छ ।
लामो समयदेखि खेलकुद क्षेत्रमा संक्रिय पुन दाङ जिल्ला फुटवल संघका निवर्तमान महासचिव एवं नवलपुर फुटवल एकेडेमीका सचिव हुनुहुन्छ । उहाँ फुटवलका पूर्व राष्ट्रिय खेलाडी समेत हुन ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
