घोराही । घोराही उपमहानगरपालिका वडा नम्बर १४ को गोर्खा टोल विकास संस्थाका ६० घरधुरीलाई गल्ने फोहोर राख्नका लागि वेष्टविन प्रदान गरिएको छ ।
घोराही उपहानगरपालिकाको गल्ने फोहोर व्यवस्थापनका लागि जापान सरकार तथा संयुक्त राष्ट संघिय विकास कार्यक्रम युएनडिपीको सहयोगमा वडा नम्बर १४ र १५ का सबै घरधुरीलाई उक्त वेष्टविन प्रदान गरिने भएको छ ।
उक्त भाँडोमा गल्ने फोहोर मात्रै राख्नुपर्ने छ । नगरको सरसफाई व्यवस्थापन शाखाको सहजिकरणमा गोर्खा टोलमा कार्यक्रम गरि वेष्टविन प्रदान गरिएको हो । नगर प्रमुख नरुलाल चौधरी, प्रमुख प्रशासकिय अधिकृत भोजराज घिमिरे र शाखा प्रमुख लक्ष्मण अधिकारीले टोल विकास संस्थाका पदाधिकारीहरुलाई प्रतिबद्धता पत्र सहित ति वेष्टविन हस्तान्तरण गर्नुभयो ।
कार्यक्रममा नगर प्रमुख चौधरीले गल्ने फोहोर र नगल्ने फोहोर छुट्टयाएर नगरको गाडीमा राखिदिन अनुरोध गर्नुभयो । गल्ने फोहोरबाट ग्यास र मल उत्पादन हुने छ भने नगल्ने फोहोर नगर खरिद गर्ने समेत उहाँले जानकारी दिनुभयो । नगरले निश्चित बार तोकेर गल्ने र नगल्ने फोहोर उठाउने गाडीको व्यवस्था गर्ने छ । १२ सय घरधुरीलाई उक्त वेष्टविन प्रदान गरिने छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
