घोराही । दाङको घोराही – १५ मा रहेको गुरुकुल एकेडेमीले किड्स मिनी मार्केटको उद्घाटन गरेको छ । विद्यालयले आफ्नो वार्षिक शैक्षिक क्यालेण्डर अनुसार शुक्रबार एकदिनका लागि मन्टेश्वरीतर्फ गुरुकुल किड्स मिनी मार्केट सञ्चालन गरेको हो ।
मन्टेश्वरी मिनी मार्केट उद्घाटन गर्दै विद्यालयका सह–प्रध्यानाध्यापक मुकुन्द गिरीले गुरुकुल एकेडेमीको शैशिक क्यालेण्डरमा उल्लेख भएअनुसार आज गुरुकुल किड्स मिनी मार्केट संचालन गरेको बताए । 
उनले विद्यालयमा प्लेग्रुपदेखि ३ कक्षासम्म अध्ययन गर्ने बालबालिकाहरुका लागि दैनिक उपभोग्य सामान तथा खरिद बिक्रीको प्रक्रियाको बारेमा जानकारी दिने उद्धेश्यका साथ मार्केट संचालन गरेको स्पष्ट पारे । यसले विद्यार्थीको आफ्नो इच्छा अनुसारको सामान किन्न सिक्ने क्षमताको विकास गर्ने र आफूलाई दैनिक रुपमा आवश्यक पर्ने सामानहरुको बारेमा जानकारी लिने विद्यालयका सह–प्रध्यानाध्यापक गिरीको भनाइ थियो ।
उक्त मार्केटमा शिक्षकहरु पसलेको रुपमा बसेका थिए भने विद्यार्थीहरु ग्राहकको रुपमा रहेर आफ्नो इच्छा अनुसारका सामानहरु किनमेल गरेका थिए । विद्यालयमा हरेक शुक्रबार विद्यार्थीहरुका लागि फरक–फरक शैक्षिक क्रियाकलापहरु भइरहने भएतापनि थप यस्ता क्रियाकलापले विद्यार्थीलाई सिर्जनशील बनाउने र व्यक्तित्व विकासमा महत्वपूर्ण भूमिका खेल्ने विद्यालयले जनाएको छ ।
मार्केटमा फलफूल, स्टेशनरीका सामान, मन्टेश्वरी, आइसक्रिम, पानीपुरी, चटपटे, कस्मेटिकका सामान लगायत दैनिक जीवनमा उपभोग हुने सामानहरु राखिएको थियो । मन्टेश्वरी संयोजक लोचना पौडेलको व्यवस्थापनमा मन्टेश्वरी टिमका शिशिकाहरु मार्केट संचलानमा ल्याइएका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
