दाङ, २७ वैशाख ।नारायणपुर उद्योग वाणिज्य संघको आयोजनामा सञ्चालन ‘चौथो नारायणपुर कृषि, पर्यटन तथा व्यापार महोत्सव २०८०’ मा महोत्सवको दिन थप गरिएसँगै स्टलहरू पनि थपिएका छन् ।
नारायणपुरमा हाटबजार व्यवस्थापनका लागि आयोजना गरिएको महोत्सवमा कृषि तथा व्यावसायिक स्टलहरू सञ्चालन भएका छन् । महोत्सव वैशाख २६ गते सकिने भनिए पनि २९ गतेसम्म सञ्चालन हुने भएपछि व्यावसायिक स्टलहरू थपिएका छन् ।
महोत्सवमा ३ वटा कृषिका स्टलहरू रहेका छन् भने एक सयबढी व्यावसायिक स्टल रहेका छन् । महोत्सवको समय थपिएसँगै दर्शकहरूको चहलपहल पनि बढेको छ ।
आज महोत्सवमा गायक गोविन्द मधुर आचार्यले प्रस्तुति दिएका छन् । गायक आचार्यको पछिल्लो चरणमा चलचित्र बुलाकीको नाच न सुवा तिमी नाचेकै सुहाउँछ बोलको गीतचर्चामा रहेको छ ।
गायक आचार्यले नाच न सुवा, कान्छीको रूमाल खस्यो पानीमा, चोली फाट्यो कि मेरो आमाको, मर्छु बरू छटपटीमा, तिम्रो भएन भने कसैको हुँदैन, जाउँला कान्छी जलजला र लगायतका गीतहरू प्रस्तुत गरेका थिए ।
साथै आज महोत्सवमा गायक शरद समीप, राजेश भण्डारी, चेतन केसी, राशी रिजाल, सालिक क्षेत्री, बिरा घर्ती तथा एलिसा डान्स ग्रुप काठमाडौँका नृत्यङ्गनाहरु एलिसा बराल, एन्जिजा श्रेष्ठ, सीमा श्रेष्ठ र शालु सुनार प्रस्तुति रहेको सांस्कृतिक उपसमितिका संयोजक डिल्ली वलीले जानकारी दिएका छन् ।
भोलि बिहीबार चन्द्र शर्मा
नारायणपुर उद्योग वाणिज्य संघको आयोजनामा सञ्चालन ‘चौथो नारायणपुर कृषि, पर्यटन तथा व्यापार महोत्सव २०८०’ मा भोलि बिहीबार चन्द्र शर्माको प्रस्तुति रहने छ ।
साथै भोलि महोत्सवमा शरद समीप, टोपेन्द्र विष्ट, पार्वती चौधरी, राशी रिजाल,सालिक क्षेत्री , बिरा घर्ती तथा एलिसा डान्स ग्रुप काठमाडौँका नृत्यङ्गनाहरु एलिसा बराल, एन्जिजा श्रेष्ठ, सीमा श्रेष्ठ र शालु सुनार र डिएमएस डान्स ग्रुप नारायणपुरको प्रस्तुति रहने सांस्कृतिक उपसमितिका संयोजक वलीले जानकारी दिएका छन्
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
