कमल खड्का
होलेरी । रुन्टीगढी गाउँपालिकाको वडा नम्बर ७ मा पनि आइतबार पूर्णखोप वडा सुनिश्चितता घोषणा भएको छ । “स्थानीय स्वामित्व र सहभागिता पूर्णखोप वडा सुनिश्चितता हाम्रो प्रतिबद्धता” भन्ने मुल नाराका साथ पूर्णखोप सुनिश्चितता घोषणा भएको हो ।
रुन्टीगढी गाउँपालिका वडा नं ७ मा रहेका १३६ जना बालवालिकालाई सम्पुर्ण खोप लगाएपछि यस वडालाई पुर्ण खोप वडा घोषणा गरिएको हो । यस वडासँगै रुन्टीगढी गाउँपालिकाका सम्पूर्ण वडामा पुर्ण खोप वडा सुनिश्चितता घोषणा भई सकेका छन् ।
शिशुले लगाउनु पर्ने सम्पुर्ण खोप लगाइ सकेपछि पुर्ण खोप वडा घोषणा गरिन्छ ।सोही अनुरुप रुन्टीगढी का ९ वटै वडामा पुर्ण खोप वडा घोषणा भएको हो । वडा सचिब रमेश वलीको स्वागत मन्तव्य बाट सुरुभएको कार्यक्रमलाई ब्यानर पढेर प्रमुख अतिथि एवं रुन्टीगढी गाउँपालिका अध्यक्ष जनक पुनले उद्घाटन गर्नु भएको थियो ।
शिशुलाई १२ प्रकारको खोप गर्भवती महिलालाई पाठेघर क्यानसरबाट बचाउन १ गरि १३ प्रकारको खोप लगाएपछि पूर्णखोप भएको मान्यता हुने गर्दछ । रुन्टीगढी वडा नम्बर ७ मा तीन खोप केन्द्रबाट खोप दिँदै आएको सि अनमी जुनकुमारी घर्ती जानकारी दिनुभयो ।
बलवाङ केन्द्रबाट १५ गते लेकधावाङ केन्द्रबाट १६ गते र स्वास्थ्य चौकी झेनाम बाट १७ गते दिइदै आएको छ । झेनाम स्वास्थ्य चौकीको आयोजनामा भएको कार्यक्रममा प्रतिबद्धता पत्र पढेर कार्यक्रमका अध्यक्षता गर्नु भएका वडा नम्बर ७ का अध्यक्ष टेक लाल पुनले गर्नु भएको थियो ।
कार्यक्रमको प्रमुख अतिथि रुन्टीगढी गाउँपालिका अध्यक्ष जनक पुन रहनु भएको थियो । अतिथिहरुमा स्वास्थ्य शाखा प्रमुख गणेश बुढा, वडा नम्बर ७ का निर्वतमान अध्यक्ष जंग बहादुर घर्ती,वडा सदस्यहरु राम बहादुर रेउले,चन्द्र बहादुर पुन, सावित्रा बुढा, वसन्ती सुनार, झेनाम स्वास्थ्य चौकी व्यवस्थापन समिति सदस्य देबिका घर्ती अहेव भिम सेन बुढा रहनु भएको थियो ।
कार्यक्रममा आमा समूह स्वास्थ्य स्वयमंसेवीका लगाएत स्थानीहरुको सहभागिता रहेको थियो । कार्यक्रम वडा नम्बर ७ को वडा हलमा सम्पन्न भएको थियो । कार्यक्रमको सहजीकरण झेनाम स्वास्थ्य चौकीका प्रमुख त्रिपुरा थापाले गर्नु भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
