घोराही । राप्ती इन्जिनियरीङ कलेज दाङमा व्याचुलर तर्फ विई सिभिल र विसिए कार्यक्रममा स्पीङ २०२२ मा अध्यापन गराउने प्राध्यापकहरुको लागि शैक्षिक गुणस्तर अभिवृद्धि विषयक अभिमुखिकरण कार्यक्रम सम्पन्न भएको छ । कलेजको आयोजनामा आज शनिबार उक्त कार्यक्रम सम्पन्न भएको हो ।
राप्ती इञ्जिनियरीङ कलेजका व्यवस्थापन समिति अध्यक्ष एवं प्रबन्ध निर्देशक डा. भीमसेन गिरीको अध्यक्षतामा भएको कायक्रममा खानेपानी तथा सरसफाई डिभिजन कार्यालय घोराहीका ई. नुटन आचार्यले सहजीकरण र प्रस्तुतीकरण शैली, सहजकर्ता, सहजीकरण प्रक्रिया, सहजकर्ताको भूमिका, सहजीकरण शैली, विभिन्न प्रकारका सहभागीहरूसँग गरिने व्यवहारको बारेमा प्रशिक्षण दिनुभएको थियो ।
कलेज व्यवस्थापन समिति अध्यक्ष एवं प्रबन्ध निर्देशक डा. भीमसेन गिरीले प्रभावकारी शिक्षणमा कक्षाकोठाको सिकाई व्यवस्थापन, उपयुक्त शिक्षण विधिको छनोट, कक्षाकोठाको बसाई व्यवस्थापन, विद्यार्थीहरुप्रति प्राध्यापकको व्यवहार, सबैलाई सहज र समान अवसर, कक्षाकोठालाई प्रगोगशालाको रुपमा विकास, स्पष्ट निर्देशन र सहजीकरण, सकारात्मक अभिव्यक्ति र सामुहिक भावना, सामुहिक निर्णय कार्यान्वयनको बारेमा प्रशिक्षण दिनुभएको थियो ।
कलेजका प्रिन्सिपल रेशम गिरीको स्वागत मन्तव्यबाट सुरु भएको कार्यक्रमको सहजीकरण कलेजका निर्देशक मधुसुदन बैद्यले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
