तुलसीपुर । दाङको तुलसीपुर – २ बालापुरमा रहेको जनप्रिय इङ्लिस स्कुलमा एक कार्यक्रमकाबीच बढ्दाे सडक दुर्घटना र न्यूनीकरणका उपायहरु विषयमा जनचेतनामूलक ट्राफिक सचेतना कार्यक्रम सम्पन्न भएको छ।
इलाका ट्राफिक कार्यलय तुलसीपुरका प्रमुख तीर्थ भुषाल र तुलसीपुर बागर सडकखण्डका ट्राफिक इन्चार्ज डिल्लीराज आचार्यले विद्यार्थीलाई बढ्दाे सडक दुर्घटना र न्यूनीकरणका विषयमा श्रव्य र दृश्य माध्यमबाट प्रकाश पार्नुभएकाे थियाे । कार्यक्रममा कक्षा ६ देखि १० सम्मका करिब १९० छात्र / छात्राकाे सहभागिता रहेकाे थियाे ।
कार्यक्रमकाे सहजीकरण विद्यालयका शिक्षक अङ्कित आचार्यले गर्नुभएको थियाे भने प्रशिक्षक ट्राफिक प्रहरीद्वय तीर्थ भुषाल र डिल्लीराज आचार्यलाई विद्यालयका प्राचार्य प्रकाश कुमार शर्माले खादा उडाएर स्वागत गर्नुभएकाे थियाे ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
