घोराही । नेपाल विद्यार्थी संघ दाङले बंगलाचुली–४ का खडग बहादुर डाँगीमाथि भएको अन्याय छानविन गरी न्याय दिलाई दिन मागसहित बंगलाचुली गाउँपालिकाको कार्यालय कमिरेचौरमा ज्ञापन पत्र बुझाएको छ । संघले आइतबार एक प्रेस विज्ञप्ति जारी गर्दै विद्यार्थीको भविष्यमाथि खेडवाड गरेको भन्दै दोषीलाई कारबाही गर्नुपर्ने मागसहित बंगालचुलीमा ज्ञापनपत्र बुझाएको हो ।
नेविसंघ दाङका अध्यक्ष कुलराज पोख्रेल र नेविसंघ बंगलाचुलीका संयोजक भरत जोन भण्डारीले संयुक्त रुपमा जारी गरेको ज्ञापन पत्रमा भनिएको छ शैक्षिक सत्र २०७९ मा कक्षा ९ मा भर्ना भई कक्षा ९ को बार्षिक परिक्षा समेत दिएको तर उहाँको नतिजा प्रकाशन नगरिएकोप्रति संघको गम्भीर ध्यानकर्षण भएको छ । यस बारेमा जानकारी लिन खोज्दा विद्यालयका प्रअ खगराज लम्सालले पुनः ८ कक्षामै भर्ना नुपर्ने जस्तो गैर जिम्वेवारी अभिव्यक्ति दिई उहाँ डाँगीको भविष्यमाथि चरम खेलवाड गर्ने नियत प्रष्ट देखिन्छ ।
एसईईको रजिस्ट्रेसन फारम भर्नबाट वञ्चित गराइएका डाँगीमाथि विद्यालयले गरेको अन्यायप्रति घोर भत्र्सना गर्दै घटनाको छानविन गरि निज डाँगीको नतिजा प्रकाशित गरि सहज पठनपाठनको लागि वातावरण मिलाउनुपर्ने र दोषि माथी कडा कारवाही गर्न संघले जोड्दार माग गरेको छ । अन्यथा संघको जयाज मागलाई वेवस्था गरे कडा आन्दोलन गर्न बाध्य हुने कुरा ज्ञापनपत्रमा उल्लेख रहेको छ ।
बंगलाचुलीमा ९ कक्षाको परीक्षा दिएका विद्यार्थीले फेरि ८ कक्षामा पढ्नु परेपछि….!
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
