सल्यान, ६ बैशाख । बनगाड कुपिण्डे नगरपालिका वडा नम्बर- ७ को ढोरपिपलमा आज बुधबार एक कार्यक्रमका बिच पशु सेवा र कृषि विकास कार्यालयले सेवा प्रवाह सुरु गरेको छ ।
जनताको सेवालाई नजिकवाट सेवा दिने उद्देश्यले उक्त सेवा सुचारु गरिएको छ । वडा वडामा सेवा दिन पर्ने भएपनी कर्मचारीको बाध्यतालाई मध्यनजर गर्दै ६ वटा वडाको मध्य भागमा पर्ने ढोरपिपलमा सेवा सुचारु गरिएको छ । उक्त कार्यालयमा सेवा लिन ७ देखि १२ वडा सम्मका जनताले सेवा लिन सहज हुने बताएको छ ।
उक्त कार्यक्रम नगर प्रमुख कर्ण बहादुर बुढाथोकी, उप प्रमुख पुरुषोत्तम आचार्य, प्रमुख प्रशासकीय अधिकृत जगत बहादुर घर्ती, ७ नम्बर वडाध्यक्ष जीवन सिह ठकुरी, ८ नम्बर वडा अध्यक्ष कुलबहादुर पुरि, ११ नम्बर वडा अध्यक्ष वीर बहादुर बुढा लगाएत स्थानीयको उपस्थिति रहेको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
