घोराही । नेपाल कम्युनिस्ट पार्टी पूर्वी दाङले ऎतिहासिक जन आन्दोलन दिवस मनाएको छ । पार्टीले शुक्रबार घोराहीमा एक एक कार्यक्रम गरी उक्त दिवस मनाएको हो ।
नेपाल कम्युनिस्ट पार्टीका केन्द्रीय सदस्य तथा युवा संगठनका अध्यक्ष नेपालको दलाल संसदीय व्यवस्था असफल भएको भन्दै त्यो व्यवस्था परिवर्तन गर्न एक पटक अन्तिम संघर्ष गर्नुपर्ने बताएका छन् । नेपाल कम्युनिस्ट पार्टी पूर्वी दाङले ऎतिहासिक जन आन्दोलन दिवसको अवसरमा शुक्रबार घोराहीमा आयोजना गरेको कार्यक्रममा बोल्दै उनले सो कुरा बताएका हुन् ।
कार्यक्रमका प्रमुख अतिथि समेत रहेका नेता पाटनले शासकहरुको दमन र अत्याचारका विरुद्ध नेपाली जनताले विभिन्न समयमा जनसंघर्ष/ जन आन्दोलनले केही परिवर्तन भएको आभास भएपनि यो दलाल राज्यसत्ता रहेदासम्म आम जनताले आफ्नो अधिकार नपाउने र यो व्यवस्थामा जो कोही राम्रो पात्र गएपनि उस्तै हुने उद्घोष गर्दै घरको जग बिलियो भएन भने जति सजावट गरेपनि दीर्घकालीन नहुँने भन्दै यो राज्यसत्ता फेर्नुपर्ने बताए । यो राज्यसत्ताकै कारणले अहिले देशमा देखिएको आर्थिक मन्दी, मिटरब्याजी लगायको समस्या रहेको र नेपालमा संसदीय व्यवस्था पूर्ण रुपमा असफल सिद्ध भएको हुँदा यसको विकल्पमा वैज्ञानिक समाजवाद स्थापना गर्नुपर्ने र जनताको व्यवस्था ल्याउनुपर्ने उनले भनाइ थियो ।
नेता पाटनले आफ्नो पार्टीले लिएको एकीकृत जनक्रान्तिको कार्यदिशामार्फत संसदीय व्यवस्थाको विकल्पमा वैज्ञानिक समाजवादी व्यवस्था स्थापना गर्ने र त्यसका लागि आम जनताले पार्टीलाई सहयोग गर्नुपर्ने कुरामा जोड दिए ।
नेपाल कम्युनिस्ट पार्टी पूर्वी दाङका कार्यालय सचिव महान सीको अध्यक्षतामा भएको कार्यक्रममा पार्टी पूर्वी दाङ सेक्रेटरी जनक सी, पार्टीका नेताकार्यकर्ता लगायतको उपस्थिति सहभागी रहेको थियो । कार्यक्रमको सहजीकरण युवा संगठन नेपाल पूर्वी दाङका संयोजक पदम सीले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
