दाङ, १९ चैत । कपिलवस्तुको बुद्धभूमि नगरपालिका–९, चम्पापुरमा मोटरसाइकल दुर्घटना हुँदा एकजनाको मृत्यु भएको छ । दुईजना घाइते छन् ।
कपिलवस्तुकै विजयनगर गाउँपालिका–४, त्रिपालनगरका २९ वर्षीय बाबुराम कुँवरको मृत्यु भएको हो । दुर्घटनामा गम्भीर घाइते भएका उनको उपचारका क्रममा बुटवलस्थित लुम्बिनी प्रादेशिक अस्पतालमा मृत्यु भएको प्रहरीले जनाएको छ ।
घाइते भएका दाङको घोराही उपमहानगपालिका–१, रामपुरका ३० वर्षीय बलदेव पौडेल र विजयनगर–४ का ३५ वर्षीय राज मगरको भैरहवास्थित युनिभर्सल कलेज अफ मेडिकल साइन्स अस्पतालमा उपचार भइरहेको छ ।
गए राति करिब साढे १० बजे उनीहरू दुर्घटनामा परेका थिए । बिग्रिएर सडकमा रोकिराखेको ग१ख ३८३५ नम्बरको मिनिट्रकको पछाडि उनीहरू तीनजना सवार रा३प ७६७० नम्बरको मोटरसाइकल ठोक्किएको थियो । मोटरसाइकलका चालक को हुन् भन्ने खुल्न बाँकी रहेको जिल्ला प्रहरी कार्यालय कपिलवस्तुले जनाएको छ ।
Facebook Comments
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
