• १६ चैत्र २०८०, शुक्रबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
सञ्चार माध्यममा उत्प्रेरित गर्ने प्रेरणादायी सामग्रीको खोजी बढाउनुपर्ने : मन्त्री शर्मा




काठमाडौं, २९ फागुन । सञ्चार तथा सूूचना प्रविधि मन्त्री रेखा शर्माले सञ्चार माध्यममा राम्रो कामका लागि उत्प्रेरित गर्ने प्रेरणादायी सामग्रीको खोजी बढाउनुपर्ने बताउनुुभएको छ ।

विकृति र विसंगतिमाथि प्रहार गरेर गलत काम गर्ने प्रवृत्तिलाई निरुत्साहित गर्नु नेपाली सञ्चारमाध्यमको सकारात्मक पक्ष भएको उल्लेख गर्दै उहाँले त्यसरी नै राम्रा कामका लागि प्रेरित गर्ने पाटो भने कमजोर भएकाले यसमा ध्यान दिनुुपर्ने बताउनुुभयो । नारी अनलाइन पत्रिकाको शुुभारम्भ कार्यक्रमलाई सम्बोधन गर्दै उहाँले राम्रो पक्षको उजागर गर्दा अवसर नपाएका क्षमतावानहरुले अवसर पाउने र समाजले गति लिने बताउनुुभयो ।

विभिन्न आन्दोलन र युद्धको परिणामस्वरुप हरेक क्षेत्रमा महिलाको भूमिका बढ्दै गएको उल्लेख गर्दै उहाँले महिलाको नेतृत्व विकासलाई व्यक्तिको मात्र होइन, एउटा समुदायकै विकासको रुपमा लिनुुपर्ने बताउनुभयो । पुरुष असफल हुँदा व्यक्ति असफल हुने र महिला असफल हुँदा महिला समुदाय नै असफल हुने भएकाले महिलालाई असफल हुने छुट नभएको र जुनसुुकै क्षेत्रमा रहेका महिलाहरुले आफूलाई सफल बनाउनुको विकल्प नरहेको उहाँले बताउनुुभयो ।

समान जिम्मेवारी पाएका पुरुष र महिलाको आन्तरिक जिम्मेवारी फरक फरक हुने उल्लेख गर्दै माओवादी केन्द्रका स्थायी समिति समेत रहनुुभएको मन्त्री शर्माले भन्नुुभयो– ‘हिजो हामी जनयुुद्धमा हुँदा पुरुषले बन्दुक मात्र बोके पुुग्थ्यो तर महिलाले बन्दुक र बच्चा एकैसाथ बोक्नुपथ्र्यो, अहिले निकै माथिल्लो तहमा पुुगेका महिलाहरुमा पनि सार्वजनिक र पारिवारिक जिम्मेवारी सँगसँगै बोकेको देखिन्छ ।’

विभिन्न आन्दोलन र युद्धदेखि सदनभित्र संविधान र कानुुन बनाउने बेलासम्म महिलाले बढी जिम्मेवारी बहन गर्दै आएको उल्लेख गर्दै उहाँले थप्नुुभयो– ‘यसमा सञ्चारमाध्यममा बढी ध्यान दिनुपर्छ, महिलाको योगदानको यथोचित कदरसहित क्षमताअनुुसार अवसर प्रदान गर्ने वातावरण बनाउन प्रेरणादायी कथाहरुको जतिसक्यो धेरै सार्वजनिकीकरण आवश्यक छ ।’

अर्को एक प्रसंगमा अहिलेसम्म अनलाइन मिडियालाई कानुुननले चिन्ने अवस्था नभएकाले चाँडै नै आम सञ्चार ऐनमार्फत अनलाइनलाई पनि कानुनले सम्बोधन गर्ने तयारी गरिएको मन्त्री शर्माले जानकारी दिनुुभयो । त्यसका लागि आम सञ्चारकै क्षेत्रका विज्ञहरुको समिति बनाएर काम थालिएको पनि उहाँले जानकारी दिनुुभयो । नीति कार्यक्रम र बजेट समय भएकाले सूचना र सञ्चारमा महिलाई कसरी जोड्न सकिन्छ सुुझाव दिन पनि उहाँले सबैलाई आग्रह गर्नुभयो ।

Facebook Comments