तुलसीपुर / डिप्लोमा दोस्रो सेमेस्टरको नतिजामा तुलसीपुर मेट्रो कलेज देशमै उत्कृष्ट भएको छ ।
प्राविधिक शिक्षा तथा व्यावसायिक तालिम परिषद् सिटिइभिटी परीक्षा नियन्त्रण कार्यालय सानोठिमी भक्तपुरले हालै प्रकाशन गरेको डिप्लोमा दोस्रो सेमेस्टरको नतिजामा तुलसीपुर मेट्रो कलेज देशमै उत्कृष्ट भएको हो ।
कलेज प्रमुख वसन्त आचार्यले सिटिइभिटीका सबै कलेजहरु मध्ये तुलसीपुर मेट्रो कलेजले धेरै विद्यार्थी उत्तिर्ण गराएको जानकारी दिए । परीक्षा नियन्त्रण कार्यालयले प्रकाशित गरेको नतिजा अनुसार ६६।६७ प्रतिशत विद्यार्थी उत्तिर्ण गराएर कलेजले देशमै सबैभन्दा उत्कृष्ट नतिजा ल्याएको कलेजले दाबी गरेको छ ।
यसैगरी इलेक्ट्रिकल एण्ड इलेक्ट्रोनिक्समा ८६।११ प्रतिशत विद्यार्थी उत्तिर्ण भएको कलेज प्रमुख आचार्यले जानकारी दिएका छन । तुलसीपुर उपमहानगरपालिका र सिटिइभिटीको साझेदारीमा कलेज सञ्चालन भएको हो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
