ओखरपाटा, २८ मंसिर । रोल्पाको रुन्टीगढी -६ मा रहेको फूलबारी सामुदायिक वन उपभोक्ता समूहको विशेष आमभेला विभिन्न निर्णय गर्दै सम्पन्न भएको छ । वनको आयोजनामा मंगलबार रुन्टीगटी – ६ छापमा रहेको जनगागृति प्राथमिक विद्यालयमा उक्त भेला सम्पन्न भएको हो ।
फूलबारी सामुदायिक वन उपभोक्ता समूहका अध्यक्ष जंगबहादुर रेउलेको अध्यक्षमा बसेको विशेष आमभेलाले सामुदायिक वनभित्र रहेको घुरो अगामी पुसको ८ र ९ गते काट्ने, डालेघाँस आगामी माघ २५ गतेदेखि काट्न सुरु गर्ने, सामुदायिक वनमा रहेको गडेरी टिप्नेलाई समूहले दण्ड जरिवाना गर्ने निर्णयलाई उलंघन गर्दै थप गडेरी टिप्ने र रुख फडानी गर्ने उपभोक्तालाई १ हजारदेखि ३ हजार ५ सयसम्म र वडा बाहिरका उपभोक्तालाई ५ हजार दण्ड जरिवाना गर्ने, वनलाई थप संरक्षणमा प्रभकारी बनाउनका लागि एक जना वन हेरालु राख्ने, प्रांणगारीक मल उत्पादन गर्ने लगायतका महत्त्वपूर्ण निर्णयहरु गरेको छ ।
उक्त भेलामा उपभोक्ताहरुले वललाई संरक्षण र व्यवस्थापनमा जोड दिनुपर्ने बताएका थिए । वन समूहको निर्णयलाई उलंघन गर्ने जो कोहीलाई पनि वनको कार्ययोजना तथा विधान बमोजिम कारबाहीको दायरामा ल्याउनुपर्ने पनि माग गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
