श्रवणकुमार यादव
घोेराही, २६ कात्तिक । दाङको घोराही– १५ मा रहेको भिएन स्कूल एण्ड कलेजका विद्यार्थीहरुले गणितीय सामग्री प्रदर्शनी गरेका छन् । विद्यार्थीहरुले शुक्रबार विद्यालयको प्रांगणमा सो सामग्री प्रदर्शनी गरेका हुन् ।
विद्यालयमा अध्ययनरत कक्षा १ देखि १० कक्षासम्मका विद्यार्थीले आफ्नो सेलेबसभित्र रही गणितीय चित्रहरु एकल तथा सामूहिक रुपमा प्रदर्शनी गरेका विद्यालयका प्रिन्सीपल रामजनम चौधरीले बताए । विद्यार्थीहरुले थुप्रै ज्यामितिय आकृति, त्रिकोण आकृति, वृत्तचित्र, केही साध्यहरु, नाफा नोक्सानका कुराहरू, त्रिभुज, ग्राफ लगायतका चित्रहरूको प्रयोग तथा उपयोगी सामग्रीहरुको प्रदर्शनी गरेको उनले जानकारी दिए ।
गणित सबैले अप्ठ्यारो तथा निरस मान्ने जो परम्परागत मान्यतालाई चिरफार गर्ने मुख्य उदेश्यका साथ गणितीय चित्रहरुको प्रदर्शनी गरिएको भएतापनि विद्यार्थीले विद्यालयको अपेक्षा भन्दा राम्रोसँग प्रदर्शनी गरेको प्रअ चौधरीको भनाइ छ ।
‘सरकारले नै गणित विषयलाई अप्सनमा राखेको अपमान गरेको छ, प्रअ चौधरीले भने ‘गाणित विषय अप्ठ्यारो तथा निरस होइन् । गणित वास्तवमा कला हो ।’ गणित विषयलाई अभिभाकबाट नै अप्ठ्यारो हो भन्ने परम्परागत शैलीलाई तोड्न र गणित मानविय जीवनमा आवश्यक छ भन्नको लागि बेला बखत गणितीय सामग्रीको प्रदर्शनी अन्य विद्यालयहरुमा पनि हुन जरुरी भएको उनले बताए ।
त्यस्तै विद्यालयले दोस्रो त्रैमासिक परीक्षाको परीक्षफल पनि प्रकाशन गरेको विद्यालय प्रशासनले जनाएको छ । गणितीय सामग्री प्रदर्शनीमा प्रथम, द्वितीय र तृतीय हुने विद्यार्थीलाई आइतबार परस्कार वितरण गरिने समेत विद्यालय प्रशासनले जनाएको हो ।
फोटो फिचर :
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
