आइसिसी टि२० विश्वकपमा दक्षिण अफ्रिकाले आज पाकिस्तानसँग खेल्दैछ । खेल नेपाली समय अनुसार दिउँसो १ : ४५ मा सिड्नी क्रिकेट ग्राउन्डमा सुरुहुनेछ ।
उपाधि दाबेदार दक्षिण अफ्रिका पाकिस्तानलाई हराउँदै एक खेल अगावै सेमिफाइनलमा पुग्ने पहिलो टोली बन्न चाहन्छ । पाकिस्तान अंक गणीतिय सम्भावना कायमै राख्न यो खेल जित्नुपर्ने हुन्छ । आज पराजित हुँदा औपचारिक रुपमा पाकिस्तान बाहिरिनेछ ।
दक्षिण अफ्रिकाले पहिलो खेल जिम्बावेसँग वर्षाको कारण अंक बाँडेको थियो । त्यसपछि भारतलाई पाँच विकेट र बंगलादेशलाई १ सय ४ रनले हराएको थियो । आज विजयी हुँदा दक्षिण अफ्रिकाको ७ अंक हुनेछ ।
७ अंक सेमिफाइनलमा पर्याप्त हुनेछ । पाकिस्तान ३ खेलमा १ मा जित र २ मा हारसहित २ अंकका साथ पाँचौं स्थानमा छ । दक्षिण अफ्रिका ३ खेलमा ५ अंकका साथ दोस्रो स्थानमा छ ।
दक्षिण अफ्रिका कप्तान टेम्बा बभुमा खराब लयमा छन् । उनी आफैंलाई ठूलो प्रदर्शनको दबाब छ । क्विन्टन डि कक र राइली रोसोउबाट सानदार सुरुवात चाहन्छ । भारतलाई हराउन कठिन समयमा डेविड मिलर र एडेन माक्ररमले सानदार अर्धशतकीय ब्याटिङ गरेका थिए ।
मिलरले लगातार सानदार प्रदर्शन गर्दै आएका छन् । उनी पाकिस्तानका बलरलाई पनि किलर बन्न सक्छन् । उनीबाट उच्च लयलाई निरन्तरता चाहिन्छ । युवा ब्याटर ट्रिस्टन स्टब्सबाट राम्रो अन्त्य चाहन्छ ।
दक्षिण अफ्रिका तीव्र गतिको बलिङ आक्रामण उच्च छ । कागिसो रबाडा, लुन्गी एनगिडी, एनरिच नोर्किया र वेन पार्नेल हुनेछन् । एनगिडीले भारतविरुद्ध ४ र पार्नेलले तीन विकेट लिएका थिए । यी चार तीव्र गतिका बलर घातक बन्नसक्छन् ।
यता पाकिस्तानका प्रमुख ब्याटर बाबर आजम र मोहम्मद रिजवान चल्न सकेका छैनन् । पाकिस्तान यी दुई ब्याटरमा निर्भर छ । दक्षिण अफ्रिकालाई हराउन यी दुई ब्याटर चल्नै पर्ने हुन्छ । मध्यक्रम पाकिस्तानको सबैभन्दा ठूलो समस्या हो । भारतसँग ४ र जिम्बावेसँग एक रनले पराजित भएपछि सेमिफाइनल सम्भावना धेरै कठिन बनेको हो । नेदरल्यान्ड्सलाई ६ विकेटले हराएको थियो ।
तर अझैपनि अंक गणीतिय सम्भावना छ । पाकिस्तानले दुबै खेल जित्दा ६ अंक हुन्छ । भारतले अन्तिम खेल हार्दा वा दक्षिण अफ्रिकाले बाँकी दुबै खेल हार्दा पाकिस्तान सेमिफाइनलमा पुग्न सक्ने अंक गणीतिय सम्भावना छ । मध्यक्रमका ब्याटर शन मसुद बाहेक अन्यको प्रदर्शन राम्रो छैन । इफ्तिाखार अहमद, मोहम्मद नवाज, आसिफ अली र साबद खानले उच्च प्रदर्शन गर्नुपर्ने हुन्छ ।
यता पाकिस्तानको तीव्र गतिको बलिङ आक्रामण उच्च छ । शाहिन शाह अफ्रिदी, नसिम शाह, हरिस रौफ र मोहम्मद वासिम जुनियर छन् । यी चारै बलर म्याच विनर हुन् । रौफ र वासिमले लगातार सानदार प्रदर्शन गर्दै आएका छन् । यस खेललाई दक्षिण अफ्रिका र पाकिस्तानबीचको खेल तीव्र गतिका बलरबीचको लडाईको रुपमा पनि हेरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
