रुकुमपश्चिमको मुसीकोट नगरपालिका वडा नं. ६ को आर्थिक सहयोगमा बालकल्याण मावि झुल्खेतमा बाल विकास र कक्षा १ मा अध्ययनरत बालबालिकाका लागि शुद्ध दूध वितरण गर्न थालिएको छ ।
प्रति दिन १ गिलास शुद्ध दूध वितरणको थालिएको शिक्षक खडानन्द शर्माले जानकारी दिनुभयो । यसले बालबालिकामा उपयुक्त पोषण प्रदान गर्नुको साथै विद्यार्थीको उपस्थिति पनि वृद्धिहुने अपेक्षा गरिएको छ ।
विद्यार्थीका अभिभावककै घरमा उत्पादित दूध खरिद गरि वितरण गर्ने व्यवस्था मिलाईएकोले स्थानीय किसानलाई पनि राहत हुने उहाँले जानकारी दिनुभयो । वडाले बाल पोषणको नमूना योग्य उपाय छनौट गरे विद्यालयको निष्कर्ष रहेको पनि उहाँले जानकारी दिनुभयो ।
वडामा जनप्रतिनिधि आएपछि विद्यालयहरुमा यस्तो नौलो खाले अभियान शुरु गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
