• ३० श्रावण २०७९, सोमबार

सम्पर्क

सिस्ने मिडिया एण्ड टेक्नोलोजी प्रालिद्वारा सञ्चालित
सम्पर्क कार्यलय: घोराही उपमहानगरपालिका– १८ घोराही, दाङ
फोन नम्बर: +९७७-९८०९८५५४०३ , ९८५७८३२६३६
इमेलः : [email protected]
विज्ञापनका लागि
9809855403
टरिगाउँ एयरपोर्टको बाउजर सारेमा एमालेले आन्दोलन गर्ने




घोराही, १५ साउन । दाङको तुलसीपुरस्थित टरिगाउँ विमान स्थलका लागि राखिएको बाउजर अन्यत्रै सार्न लागिएकोमा नेकपा एमाले दाङले कडा आपत्ती प्रकट गरेको छ । नेकपा एमाले दाङले विज्ञप्ति जारी गरी टरिगाउँ एयरपोर्टका लागि ल्याइएको बाउजर अन्यत्र लगिएमा यस कार्यको एमालेले कडा प्रतिबाद गर्ने जनाएको छ । एमाले दाङका अध्यक्ष हुकुम बस्नेत र सचिव मनोहर बुढाथोकीले विज्ञप्ति जारी गरी टरिगाउँ विमानस्थलमा रहेको बाउजर त्यही राख्न सम्बन्धित निकायसँग जोडदार माग गर्नु भएको छ । विज्ञप्तिमा भनिएको छ, ‘बाउजर टरिगाउँ एयरपोर्ट सञ्चालनका लागि ल्याइएको हो, यसलाई अन्यत्र सारेमा यसको कडा प्रतिबाद गरिनेछ ।
आवश्यक परेमा बाउजर सार्न नदिन सकडमा आन्दोलन समेत गरिने एमालेले जनाएको छ । विज्ञप्तिमा लुम्बिनी प्रदेश राजधानी दाङको लागि तत्काल टरिगाउँ एयरपोर्ट व्यवस्थित तरिकाले सञ्चालन गर्नुपर्नेमा वर्तमान सरकारले जनताको ढाढ सेक्ने गरी गतिविधिहरु गरिरहेको र दाङमा रहेको एयरपोर्टलाई ध्वस्त बनाउन लागि रहेको एमलेले आरोप लगाएको छ ।

Facebook Comments