रुकुम पूर्वकाे पुथा उत्तरगगंगा गाउँपालिका १२ मा रहेको प्राथमिक स्वास्थ्य केन्द्र काेलमा सहिद स्मृति अध्यक्ष उपाध्यक्ष स्वास्थ्य कार्यक्रम सुचारु भएकाे छ । गाउँपालिकाकाे आ. व. ०७९/०८०काे नीति तथा कार्यक्रममा ल्याइएको सहिद स्मृति अध्यक्ष उपाध्यक्ष कार्यक्रम प्राथमिक स्वास्थ्य केन्द्र काेलमा पनि सुचारु भएकाे हाे । सहिद स्मृति अध्यक्ष उपाध्यक्ष स्वास्थ्य कार्यक्रमकाे सुभारम्ब साश्रव ९ गते देखि भएकाे थियाे । प्राथमिक स्वास्थ्य केन्द्र काेलमा सहिद स्मृति अध्यक्ष उपाध्यक्ष कार्यक्रम स्वास्थ्य संस्थामा छाेरी जन्माउने मनकुमारी बुढालाई नि: शुल्क स्वास्थ्य विमा गराएर कार्यक्रमकाे सुभारम्ब गरिएको हाे । स्वास्थ्य सँस्थामा छाेरी जन्माउने बुढाकाे नि: शुल्क स्वास्थ्य विमा गाउँपालिका उपाध्यक्ष भुपेन्द्रा बुढा , स्वास्थ्य संयाेजक समीर गिरी, लेखा साखा प्रमुख नवराज खद्का र मेडिल अधिकृत मिलन मल्लकाे उपस्थितिमा स्वास्थ्य सँस्थामा छाेरी जन्माउने मनकुमारी बुढाकाे नि: शुल्क स्वास्थ्य विमा बनाइएको थियाे ।
सहिद स्मृति अध्यक्ष उपाध्यक्ष स्वास्थ्य कार्यक्रम अन्तरगत सहिद स्मृति अध्यक्ष कार्यक्रम मातहतमा घरैमा स्वास्थ्यकर्मी कार्यक्रम रहेकाे छ जसमा प्रतेक महिना स्वास्थ्यकर्मी घरमै गएर नागरिककाे स्वास्थ्य परिक्षण गरिने छ । साथै नि: शुल्क स्वास्थ्य विमा कार्यक्रम अन्तरगत अति विपन्न, शारीरिक मानसिक अपाङ्ग सहिद परिवार लगाएलाई नि : शुल्क स्वास्थ्य विमा कार्यक्रम रहेकाे छ । भने टेलिमेडिसिएन सेवा एक कल मै डाक्टर कार्यक्रम रहेकाे छ जसमा इन्टरनेटकाे माध्यमबाट डाक्टरले स्वास्थ्य परामर्श गर्ने कार्यक्रम रहेकाे छ ।
यस्तै उपाध्यक्ष स्वास्थ्य कार्यक्रमअन्तरगत गर्भवतीसँग उपाध्यक्ष कार्यक्रम, गर्भवती महिला तथा स्वास्थ्य संस्थामा जन्मेका छाेरीकाे नि: शुल्क स्वास्थ्य विमा कार्यक्रम, चेलिसंग उपाध्यक्ष कार्यक्रम, नि: शुल्क एम्बुलेन्स सेवा जसमा गर्भवती महिलालाई स्वास्थ्य संस्थासम्म पुर्याउन एम्बुलेन्स नि: शुल्क उपलब्ध बनाउने कार्यक्रम रहेकाे छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।