दाङको बबई गाउँपालिकाबाट करणी गरेको आरोपमा एक बालक पक्राउ परेका छन् । बबई ५ की एक तीन बर्षीय बालिकालाई करणी गरेको आरोपमा एक १३ बर्षीया बालकलाई प्रहरीले शनिबार पक्राउ गरेको हो ।
आरोपित बालकले तीन बर्षीय बालिकालाई करणी गरी भीरबाट खसाएको तथा कानमा लगाएको सुन समेत लुटेको प्रहरीले आरोप लगाएको छ । बालिकाको हाल बाँकेको भेरी अस्पतालमा उपचार भइरहेको प्रहरीले जनाएको छ ।
घटना पश्चात फरार रहेका ती बालकलाई ईलाका प्रहरी कार्यालय खिलतपुर र हापुरेको प्रहरी टोलीले शनिबार बेलुका पक्राउ गरेको थियो । बालिकाका अभिभावकले सुचना गरेपछि प्रहरीले उनलाई पक्राउ गरेको हो ।
पक्राउ परेका बालकलाई ईलाका प्रहरी कार्यालय तुलसीपुरले कानूनी कारबाही अघि बढाएको डिएसपी श्यामु अर्यालले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
