सल्यान, ८ साउन । सल्यानमा अरिङगालकाे टाेकाइबाट एक युवाकाे मृत्यु भएको छ। मृत्यु हुनेमा शारदा नगरपालिका -१ दारिमचौरका २६ वर्षिय कृष्ण थापा रहेको जिल्ला प्रहरी कार्यालय सल्यानले जनाएको छ।
शनिबार दिउँसो करिब साढे ३ बजेतिर आँप खानकाे लागि आँपकाे रुखमा चढेका थापालाई अरिङगालले शरिरका विभिन्न ठाउँमा टाेकि घाइते बनाएपछि उपचारकाे लागि कर्णाली अस्पताल श्रीनगरमा लिएको र त्यहाँ उपचार सम्भव नभए पछि नेपालगन्ज लैजाने क्रममा सल्यानकै कपुरकाेट गाउँपालिका -५ अरिङगाले फेदिमा पुगेकाे बेला बेलुका करिब ७ बजेतिर बाटोमै मृत्यु भएको जिल्ला प्रहरी कार्यालय सल्यानका प्रमुख प्रहरी नायव उपरीक्षक सुमित खड्काले बताए।
त्यसपछि त्यहाबाट थापाको शव फर्काएर पाेष्टमार्टमका लागि जिल्ला अस्पताल सल्यानमा लिएको प्रहरी नायव उपरीक्षक खड्काले बताए।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
