होलेरी, २५ असार । रोल्पाको रुन्टीगढी गाउँपालिका वडा नम्बर ७ भित्र संचालित सामुदायिक विद्यालयहरुमा एकहप्ते हस्तलेखन सुधार तालिम सम्पन्न भएको छ । होलेरी सामुदायिक सिकाई केन्द्रको आयोजानमा शुक्रबार महेन्द्र मावि होलेरीमा सो तालिम सम्पन्न भएको हो ।
सामुदायिक विद्यालयहरुमा अक्षर लेखनमा सुधान ल्याउनका लागि असार ५ गतेदेखि २४ गतेसम्म संचालन भएको हस्तलेखन सुधार तालिममा कक्षा ४ देखि १० कक्षासम्मका ७ समय ३३ जना विद्यार्थीहरु सहभागी भएका थिए ।
सामुदायिक सिकाई केन्द्रका अध्यक्ष महेन्द्र रोकाको अध्यक्षता एवं रुन्टीगढी गाउँपालिकाको उपाध्यक्ष सरिता केसीको प्रमुख आतिथ्यतामा भएको कार्यक्रममा रुन्टीगढी गाउँपालिका वडा नम्बर ७ का वडाध्यक्ष टेकलाल पुन, रुन्टीगढी गाउँपालिकाका प्रमुख प्रशासकीय अधिकृत बासुदेव भट्टराई, पालिकाका शिक्षा शाखा प्रमुख अन्जु शर्मा, प्रास घनबहादुर डाँगी, महेन्द्र माविका विद्यालय व्यवस्थापनका अध्यक्ष गोविन्द पुन, विद्यालयका प्रध्यानाध्यापक, शिक्षक, अभिभावक र विद्यार्थीहरुको सहभागिता रहेको थियो ।
केन्द्रका सदस्य रेशमबहादुर बुढाथोकीको स्वागत मन्तव्यबाट शुरु भएको कार्यक्रमको सहजीकरण परिचालिका संजिना खड्काले गरेकी थिइन् ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।