घोराही, १५ असार । दाङको जिल्लाकै पहिलो नमूना विद्यालय पद्मोदय पब्लिक नमूना माध्यामिक विद्यालयको प्रांगणमा वृक्षारोपण कार्यक्रम सम्पन्न भएको छ । विद्यालयको आयोजना तथा नेम दाङको सह–आयोजनामा सो कार्यक्रम सम्पन्न गरिएको हो ।
विद्यालयका बायोलोजी शिक्षक तथा विज्ञान संकाय प्रमुख गणेश दत्त भट्टको अध्यक्षता एवं विद्यालयका प्रधानाध्यापक रामप्रसाद जैसीको प्रमुख आतिथ्यतामा कार्यक्रम भएको थियो ।
विद्यालयका रसायनशास्त्रका शिक्षक दिपक दाहालले विद्यालयको बारेमा जानकारी दिँदै विज्ञान संकायमा विद्यालयको उत्कृष्टता भएको प्रष्ट पारे । उनले आफ्नो प्रिजेन्टेसनमा यसै विद्यालयबाट २०७८ सालमा कक्षा १२ का ७ जना विद्यार्थीहरुले मेडिकल इन्ट्रन्समा स्कलरसिप पाएको र इन्जिनेरीङको स्कलरसिपमा पाँच जना विद्यार्थी छनोट भएको जानकारी दिए । यो विद्यालय जिल्लाकै उत्कृष्ट विद्यालय भएकाले विज्ञान संकायमा अझै उत्कृष्ट भएको समेत उनले जिकिर गरे ।
विद्यालयका सह–प्रधानाध्यापक लोकबहादुर बस्नेतले आफ्नो पावर पोइन्ट प्रिजेन्टेसन मार्फत गणित विषयलाई सजिलो बनाएर सिक्न र सिकाउन सकिन्छ भनि प्रष्ट पारे ।
दाङका ब्रिजकोर्षका विद्यार्थी, शिक्षकसहितले फलफूलका विरुवाहरु रापेको जानकारी प्राप्त भएको छ । कार्यक्रमको सहजीकरण विद्यालयका भौतिक शास्त्रका शिक्षक बासुदेव खत्रीले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
