घोराही, १५ असार । घोराहीमा रहेको अम्बिकेश्वरी क्याम्पसले सरसफाई तथा वृक्षारोपण कार्यक्रम सम्पन्न गरेको छ । क्याम्पसले आज राष्ट्रिय धान दिवसको अबसरमा घोराहीमा सो कार्यक्रम सम्पन्न गरेको हो ।
अम्बिकेश्वरी क्याम्पस घोराहीका क्याम्पस प्रमुख चन्द्रप्रकाश खनालको अध्यक्षता एवं घोराही उपमहानगरपालिका १४ वडा भानसिंह बुढाको प्रमुख आतिथ्यतामा कार्यक्रम भएको थियो ।
आज असार १५ अर्थात राष्ट्रिय धान दिवसको अबसरमा क्याम्पसले स्वच्छ र सुन्दर वातावरण बनाउने उद्देश्यले क्याम्पसको प्रांगणदेखि लिएर झिंगौरा टोलमा सरसफाई गरि वृक्षारोपण गरेको हो ।
उक्त अब अबसरमा घोराहीको झिगौंरा टोल तथा स्वगद्वारी आश्रम लगायतका ठाउँमा सरसफाई गरिएको क्याम्पसले जनाएको छ । साथै स्वच्छ र सफा वातावरण बनाउन क्याम्पसका आसपासका ठाउँमा दालचुनी, शिरखण्ड, धुपी सल्ला,गोल्डमोर फूल, मसला,कल्की लगायत बिरुवाहरु रोपिएको जानकारी प्राप्त भएको छ ।
कार्यक्रमम क्याम्पसका प्राध्यापक, शिक्षक, कर्मचारी तथा विद्यार्थीहरुको सहभागिता रहेकोे थियो ।
कार्यक्रमको सहजीकरण क्याम्पसका डाइरेक्टर बसन्त रिजालले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
