चेतमान बाँठा होलेरी, १० असार । रोल्पाको रुन्टीगढी गाउँपालिकाले सबै घरधुरीलाई २० युनिट विद्युत महशुल तिरिदिने घोषणा स्थगित गरेको छ ।
रुन्टीगढी गाउँपालिकाका नवनिर्वाचित अध्यक्ष जनक पुनले पदभार ग्रहण गरेकै दिन पालिका भित्रका सबै घरधुरीमा २० युनिट भन्दा तल आउने विद्युत शुल्क नि:शुल्क गर्ने भनितापनी अहिले स्थगित गरिएको हो ।
पहिला सबै ठाउँमा विद्युतको पहुँच पुराउ त्यसपछि २० युनिट सम्मको नि:शुल्क गराउ भन्ने कुरा गाउँकार्यपालिकाबाट उठेपछि यसलाई फिर्ता लिएको बताउदै अब कम्तीमा २ वा १ बर्षमा सबै ठाउँमा बिद्युत पुराउने पालिका अध्यक्ष जनक पुनले बताए ।
अध्यक्ष पुनले पदभार ग्रहण गरेकै दिन २० युनिट शुल्क पालिकाले तिरिदिने भनेपछि यो बिषय सामाजिक संजाल फेसबुकमा बिबादित भएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।