प्रेमबहादुर राम्जा
दाङ, ४ असार । दाङको तुलसीपुरमा जारी सुसेली फुटबल प्रतियोगिताको उपाधी टरिगाउ युबा क्लब तुलसीपुरले हात पारेको छ । दाङको बेलझुण्डीमा भएको फाइनल खेलमा राप्ती क्लब घोराहीलाई हराउदै टरिगाउँले उपाधी हात पारेको हो ।
प्रतिस्पर्धात्मक खेलमा टरिगाउले २-० गोल अन्तरले उपाधी हात पारेको हो । उपाधिसङ्गै टरिगाउले ५० हजार नगद, मेडल तथा ट्रफी हात पार्यो भने उपबिजेता भएको राप्ती क्लबले नगद २० हजार, मेडल तथा ट्रफी हात पारेको छ ।
अनाथ बालबालिकाको लागि शैक्षिक सामग्री सहयोगार्थ सन्चालन गरिएको प्रतियोगिता जेठ २९ गतेदेखी सुरु भएको थियो । तुलसीपुर १८ मा रहेको सुसेली युबा क्लबको आयोजनामा प्रतियोगिता सन्चालन भएको थियो ।
यसैबिच प्रतियोगिता औपचारिक कार्यक्रमको आयोजना गरि समापन गरिएको छ । प्रतियोगिता संयोजक अर्जुन पुन मगरको अध्यक्षता तथा तुलसीपुर उद्योग बाणिज्य संघका पुर्ब अध्यक्ष बिमल रिजालको प्रमुख आतिथ्यतामा समापन गरिएको थियो ।
समापन कार्यक्रममा फुटबल संघ दाङका उपाध्यक्ष पवन योगि, तुलसीपुर उद्योग बाणिज्य संघका महासचिब बिनिल केसी, नेपाली काङ्ग्रेस तुलसीपुर १८ का वडा सभापती बिरेन्द्र खड्काले बोल्नुभएको थियो ।
कार्यक्रममा एन्फा रेफ्री खुमबहादुर वली, बिनोद बिक र सुरेश बुढा मगरलाई सम्मान गरिएको थियो । यस्तै प्रतियोगिता सफल पार्न सहयोग गर्ने प्रयोजन, सहयोग तथा सहयोगी ब्यक्ती एब सस्थालाई सम्मान पत्रले सम्मान गरिएको थियो । कार्यक्रमको सहजीकरण रोहन पुनले गर्नुभएको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
