दाङ / नेपाल मगर संघले दाङमा ५ दिनसम्म भूमेपर्व भब्य रुपमा मनाउने निर्णय गरेको छ । लुम्बिनी प्रदेश मुख्य मन्त्रालय कार्यालयको आर्थिक सहयोग र नेपाल मगर संघ लुम्बिनी प्रदेशको सहयोगमा असार १ गतेदेखि ५ गतेसम्म दाङ घोराहीमा भुमे पर्व मनाउन लागिएको हो ।
विशेष गरि अथार मगरातमा क्षेत्रमा मनाइने मगरहरुको प्राचिनकालिन मुख्य मौलिक चाड भुमे पर्वको तयारी भएको आयोजकले जनाएको छ । संघको शनिबार दाङ घोराहीमा बसको बैठकले पाँच दिनसम्म भव्यरुपमा भुमे पर्व मनाउने निणर्य गरेको छ ।
नेपाल मगर संघ दाङका अध्यक्ष खलुप्रसाद पुन मगरको अध्यक्षतामा बसेको बैठकले दाङमा रहेका विभिन्न मगर समाज , भातृ संगठनहरुलाई सह आयोजकमा राखेको छ ।
पाँच दिनसम्म संचालन हुने भुमे दिवसको उट्घाटन पुर्व उर्जा मन्त्री वर्षमान पुनले गर्ने भएका छन् । असार १ गते उद्घाटनको दिन भुमे नाच प्रतियोगीता पनि हुने छ भने प्रतियोगी समुहहरुलाई पुरस्कृत गरिने भनिएको छ ।
भुमे नाच प्रतियोगिताका लागि जेठ ३१ गतेसम्म समुह दर्ता गरिसक्नुपर्ने सचिव मुक्त बुढा मगरले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।