दाङ, २२ जेठ । राष्ट्रिय जनमोर्चाका केन्द्रीय उपाध्यक्ष जनकराज शर्माले अहिलेको पुँजीवाद हाबी हुने निर्वाचन प्रणालीबाट आधारभूत वर्गका जनताका प्रतिनिधि बिजयी हुन नसक्ने कुरा बताउनु भयो । उहाँले अहिलेको चुनाब धेरै महङ्गो र जनताका सेबक होइन पुँजिवादका मालिकहरु निर्वाचनमा उम्मेदवार बन्ने अबस्था रहेको जिकिर गर्नुभयो ।
पुँजिवादको मालिक उम्मेदवार बन्ने चुनाबबाट आधारभूत जनताका प्रतिनिधिले चुनाब जित्दैनन् तथापि जे जति उम्मेदवार साथीहरूले बिजय हासिल गर्नु भएको छ र उहाँहरुले जनपक्षीय काममा ध्यान दिन जरुरी भएको उहाँ भनाइ छ ।
कार्यक्रमलाई सम्बोधन गर्दै राष्ट्रिय जनमोर्चाका कार्यकारी अध्यक्ष रस्मिराज नेपालीले संगठनलाई मजबुत नबनाउदा सम्म र जनताको राजनैतिक चेतना जागरण नहुँदासम्म सहि प्रतिनिधिले निर्वाचन जित्न नसक्ने बताउनु भयो ।
त्यस्तै राष्ट्रिय जनमोर्चाका केन्द्रीय सदस्य तथा दाङ जिल्ला अध्यक्ष गणेश आचार्यले केहि राजनीतिक दल र तिनका नेता कार्यकर्तामा इमान्दारीताको खडेरी हुँदा निर्वाचन प्रणाली र राजनीतिकदलहरु नै बदनाम भएको कुरा बताउनु भयो ।
राष्ट्रिय जनमोर्चा जिल्ला सल्लाहकार रमेसमान गुरुङको अध्यक्षतामा भएको कार्यक्रममा पालिका अध्यक्ष तथा गत निर्वाचनका उपाध्यक्ष पदका उम्मेदवार केसब खनाल, वडा नम्बर १ को अध्यक्ष पदका उम्मेदवार ठाकुर आचार्य , सदस्य बाबुराम थापा, वडा नम्बर २ का निर्बाचित सदस्य मन बहादुर पुन , वडा नम्बर चार का निर्बाचित अध्यक्ष बिरबहादुर चौधरी , सदस्य समिता चौधरी , पार्टीका जिल्ला सल्लाहकार नरबहादुर के सि , जिल्ला सदस्य हुमा मास्के , पुर्ब जिल्ला कोषाध्यक्ष हुकुम बहादुर बस्नेत, अखिल नेपाल किसान महासंघ का जिल्ला उपाध्यक्ष माधब आचार्य , दधिबहादुर पाण्डे लगायतले मन्तव्य राख्नु भएको थियोे ।
पालिका सदस्य गिरबहादुर पौडेलको स्वागत मन्तव्यबाट सुरु भएको कार्यक्रमको संचालन सचिब दलबहादुर घर्तीले गर्नु भएको थियोे ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।