बिरेन्द्र घर्ती होलेरी, २१ जेठ । रोल्पा जिल्लाको रुन्टीगढी गाउँपालिका होलेरी नजिकै बस र बाइक एक आपसमा ठोकिँदा २ जना घाइते भएका छन् । दाङ तुलसीपुरबाट ३१ जना तिर्थयात्रु लिएर आएको ना ४ ख ५६९० नम्बरको बस स्वर्गद्वारी दर्शन गरि फर्किने क्रममा र होलेरीबाट स्वर्गद्वारी तर्फ जाँदै गरेको रा ५ प ३१५ नम्बरको बाइक घुम्तिमा एक आपसमा ठोकिदा दुर्घटना भएको हो ।
दुर्घटनामा परी रुन्टीगढी ९ निवासी २८वर्षीय रुपलाल नेपाली र २६ वर्षीय गोपाल पुन घाइते भएका छन् ।
दुर्घटना भएको केही समयमै उक्त ठाउँमा ईलाका प्रहरी कार्यालय होलेरी को टोलि पुगि घाइते २ जनालाई प्राथमिक स्वास्थ्य केन्द्र होलेरी पठाइ बस र बाइक नियन्त्रणमा लिएको साथै घट्ना बारे छानबिन भैरहेको ईलाका प्रहरी कार्यालय होलेरीका इन्चार्ज मधु सुदन वि.क ले जानकारी दिनुभएको छ । घाइते १ जनालाई प्राथमिक स्वास्थ्य केन्द्र होलेरीबाट दाङ रिफर गरिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
