सौगात आचार्य
सेतु ढलेकी थिइन्
र त तिमी उभिन पाएका हौ ।
त्यतिबेला तिमी निस्सासिएका थियौ
आकुल ब्याकुल थियौ
तिम्रै श्वास प्रश्वास चालु गर्न
सेतुले सदाका लागि आफ्नो
श्वास प्रश्वास बन्द गरेकी हुन् ।

तिमीलाई प्राणबायु प्रदान गरेर
तिम्रो सन्ततिको मुहारमा मुस्कान छरेर
सदाका लागि अस्ताएकी सेतुलाइ
आज तिमी पुनः मार्ने कल्पना गर्दैछौ ।

के तिमी ज्यूँदै छौ ?
हेर,
सेतुकै कारण प्राणवायु पाएर पनि
आज मरेतुल्य भयौ तिमी
यादगर,
सेतु तिम्रा लागि प्राणवायु गुमाएर पनि
सदा सर्बथा बाचिरहने छिन्
अमर भइरहने छिन् ।
२०७९–०२–१९ चौघेरा दाङ

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।