रोल्पा, १९ जेठ । रोल्पामा घरबाट बेपत्ता भएको झण्डै दुई महिना पछि एक युवकको शव फेला परेको छ । रोल्पा नगरपालिका–१० धाङसी बस्ने राजकुमार रोकाका १८ वर्षीय छोरा भगवती रोका मगरको शव बुधबार फेला परेको जिल्ला प्रहरी कार्यालय रोल्पाले जानकारी दिएको छ ।
२०७८ चैत्र २४ गते घरबाट हिँडेका रोका धेरै दिन सम्म घरमा नफर्किए पछि परिवारजनले वैशाख महिनामा खोज तलासी गरीदिन प्रहरीमा उजुरी दिएका थिए । सोही अनुरूप खोजतलास गर्दै जाने क्रममा सोही नगरपालिका–९ स्थित सुनप्रकाश बुढाको खाली गोठमा सडेगलेको अवस्थामा उनको शव फेला परेको प्रहरीले बताएको छ। घटनाको बारेमा थप अनुसन्धान भइरहेको प्रहरीले जानकारी दिएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
