दाङ,१० जेठ । दाङको तुलसीपुर उपमहानगरपालिका वडा नं.१२ को वडाध्यक्षमा गठबन्धनका तर्फबाट माओवादी केन्द्रका खुसीराम चौधरी विजयी भएका छन् । मंगलबार सार्वजनिक अन्तिम मतपरिणाम अनुसार खुसीराम चौधरीले एमालेका मानबहादुर खत्रीलाई २१० मतले पछि पार्दै विजयी भएका हुन् ।

चौधरीले २००४ मत ल्याएका थिए, भने खत्रीले १७९४ मत ल्याएका थिए । त्यस्तै सदस्यहरुमा महिला सदस्य कमला घर्ती मगर, विमला विश्वकर्मा, धनराज गौतम र शेषमणी भण्डारी विजयी भएका छन् । वडा नं.१२ मा प्यानल नै विजयी भएका हुन् ।

सिस्ने अनलाइन

सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।