जगत खनाल/राप्ती गाउँपालिकाको कार्यालय अगाडि मोटर साइकल दुर्घटना हुदा ३ जना गम्भीर घाइते भएका छ्न् ।
आज शुक्रबार करिब २ः३० बजेतिर लु २७ प १५० र रा ७ प ४४९८ नम्बरको मोटर साइकल एक आपसमा ठोक्किएर दुर्घटना भएको इलाका प्रहरी कार्यालय भालुबाङका प्रमुख सुजनबिक्रम साहले जानकारी दिनु भएको छ ।
उक्त दुर्घटनामा घाइते हुनेमा गढवा गाउँपालिका वडा नम्बर २ का बिपिन शर्मा सोही गाउँपालिका वडा नम्बर ६ का बिनय यादब र राप्ती गाउँपालिका वडा नम्बर ३ खुरुरियाका रितु चौधरी रहेको प्रहरी प्रमुख साहले जानकारी दिनु भएको छ । घाइतेहरुलाइ अहिले उपचारको लागि अस्पताल पठाइएको पनि साहले जानकारी दिनु भएको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
