होलेरी/ रोल्पाको रुन्टीगढी गाउँपालिका ३ नम्बर वडामा नेकपा एमालेको पुरै प्यानल विजयी भएको छ । बैशाख ३० गते सम्पन्न भएको स्थानीय तहको दोस्रो चरणको निर्वाचनमा सो वडाका वडा अध्यक्षमा नेकपा एमालेका गणेश गिरी प्यानल विजयी भएको हो ।
रुन्टीगढी गाउँपालिका ३ मा नेकपा एमालेका गणेश गिरीले ५ सय ४ मत प्राप्त गर्दा उनको प्रतिद्वन्दी नेपाली कांग्रेस उम्मेदवार पूर्ण घर्तीले ३ सय ९७ मत प्राप्त गरेका छन् ।
रुन्टीगढी गापा ३ का अध्यक्षमा नेकपा एमालेका गणेश गिरी लगाएत सदस्यहरुमा साबित्रा घर्ती पुन, पुन्टी सार्की, काले घर्ती र बोमबहादुर पुनले विजयी हासिल गरेका हुन् ।
रुन्टीगढी गाउँपालिका १ मा भने नेपाली कांग्रेस विजयी हासिल गरेको छ भने २ नम्बर वडामा नेकपा माओवादी केन्द्रले विजय हासिल गरेको हो । पालिकामा नेपाली कांग्रेसले ८ मतले अग्रता कायम रहेको छ ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
