लाेकेन्द्र कठायत / रुकुम पश्चिम मुसिकोट नगरपालिका वडा नम्बर ८ मा नेकपा (माओबादी केन्द्र)को भातृ संगठन वाई.सि.एल. नेपाल मुसिकोट न.पा.वडा नम्बर ८ वडा कमिटीको आयोजनामा राष्ट्रका लागि खेल स्वास्थ्यका लागि खेल भन्ने मुल नाराका साथ चैते दशैको अबसरमा पुरुष भलिबल प्रतियोगिता तथा सांस्कृतिक कार्यक्रम हुने भएको छ । कार्यक्रम चैत्र २३ गते वडाको घट्टखोलामा उद्घाटन हुने छ ।
भलिबल प्रतियोगितामा प्रथम हुने टिमले २५ हजार र प्रमाण पत्र द्धितिय हुने टिमले १५ हजार र प्रमाण पत्र तृतिय हुने टिमले १०हजार र प्रमाण पत्र र सान्त्वना हुने टिमले ५ हजार र प्रमाण पत्र प्राप्त गर्ने छ।
यस्तै लोक दोहोरी भाले रेस रस्साकस्सी घैटोफोर एकल नृत्य जस्ता सांस्कृतिक कार्यक्रम पनि सञ्चालन हुने वाई.सि.एल.वडा इन्चार्ज मनबहादुर गिरीले जानकारी दिनुभयो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
