डि.के. मगर
कमिरेचौर, १६ चैत । दाङको बंगलाचुली गाउँपालिकामा दोस्रो अध्यक्ष कप खेलकुद प्रतियोगिता शुरु भएको छ । क्रिकेट विकास संमन्वय समिति र स्टार बंगलाचुली युवा क्लबको संयुक्त आयोजना तथा बंगलाचुली गाउँपालिकाको आर्थिक सहयोगमा आज बुधबारदेखि सो प्रतियोगिता शुरु भएको हो ।
क्रिकेट विकास संमन्वय समिति बंगलाचुलीका अध्यक्ष हिमाल महराको अध्यक्षता एवं बगलाचुली गाउँपालिका अध्यक्ष भक्तबहादुर वलीकाे प्रमुख आतिथ्यमा कार्यक्रम भएको थियो ।
बंगलाचुली गाउँपालिकाका अध्यक्ष भक्तबहादुर वलीले दाेस्राे अध्यक्ष कप प्रतियोगिताको उद्घाटन गर्नुभएको हो ।
साे अबसरमा बंगलाचुली गाउँपालिका वडा नम्बर ३ का अध्यक्ष शाेभाराज विश्वकर्मा ,४ का अध्यक्ष नारायण डागी,नेकपा माओवादी केन्द्र दाङ जिल्ला संयाेजक तुलसिराम पुन शुवास,नेकपा बंगलाचुली ईन्चार्ज भिम बहादुर राना लगाएतले बाेल्नु भएको थियाे ।
स्टार युवा क्लव बंगलाचुली अध्यक्ष सुशील परियार स्वागत मन्तव्यबाट सुरु भयको कार्यक्रमकाे सहजीकरण समितिका सचिव मधुसूदन गिरीले गर्नुभएको थियो ।
आज भयका प्रतियोगिताहरु रोयल मुर्कुटी र जुम्लेपानी क्रीकेट बीच भयको पहिलो खेलमा जुम्लेपानी बिजय भयको छ भने भलिबल प्रतियोगितामा पहिलो खेल वडा न ५ र वडा न ८ बिच भयको पहिलो खेल वडा न ५ बिजय भयको थियो ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो ।
