दाङ,१९ फागुन । नेपाल पत्रकार महासंघ दाङका सदस्य सुमन केसीको बुबा खिमबहादुर केसीको ४५ बर्षको उमेरमा भएको असामयिक निधन भएकोले १३ औँ दिनको पुण्य तिथिमा नेपाल पत्रकार महासंघ दाङ शाखा, प्रेस सेन्टर दाङ, नेपाल प्रेस युनियन दाङ, प्रेस चौतारी दाङले सयुक्त रुपमा श्रद्धाञ्जलीसभा गरेको छ ।
तुलसीपुर उपमहानगरपालिका–१५ मा विहिवार एक कार्यक्रमको आयोजना गरि श्रद्धाञ्जलीसभा गरेको हो । नेपाल पत्रकार महासंघ दाङ शाखा अध्यक्ष दुर्गालाल केसीको अध्यक्षतामा भएको कार्यक्रममा नेपाल प्रेस युनियनका गोपाल शर्मा भट्टराई र प्रेस सेन्टरका जिल्ला उपाध्यक्ष एवं तुलसीपुर उपमहानगरपालिका अध्यक्ष दामोदर बस्नेत (राकेश) ले श्रद्धाञ्जली मन्तव्य व्यक्त गरेका थिए ।
कार्यक्रममा सहभागीलाई स्वर्गीय खिमबहादुर केसीका बुबा हुमबहादुर केसीले धन्यवाद ज्ञापन गरेका थिए । कार्यक्रमको सहजीकरण महासंघ दाङका सचिव आर.के.शीतलले गरेका थिए ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
