रुकुम,३० पुस । रुकुम पश्चिमको एक बिद्यालयका गरिब तथा जेहेन्दार बिद्यार्थीलाई न्यानो कपडा वितरण गरिएको छ ।
जनबिकास माबी ज्यामिरकोट टाकुरा आनपा १४ मा अध्ययनरत ५ जना गरिब तथा जेहेन्दार बिद्यार्थीलाई १/१ जोर न्यानो कपडा वितरण गरिएको हो । जनबिकास माविका प्रधानाध्यापक दिपक संगम थापाले आफ्नो प्रअ भत्ताको रकमले पाँच जना गरिब तथा जेहेन्दार बिद्यार्थीलाई न्यानो पोसाक उपलब्ध गराउनु भएकाे हो ।
१ /१ जोर न्यानो कपडा पाउनेहरुमा कक्षा १ का सन्तोष बिक, कक्षा ४ का डिला मल्ल, कक्षा ४ का गम्भीर चन्द, कक्षा ४ कै अञ्जली चन्द र कक्षा ६ का मनिका चन्द रहेका छ्न । उक्त पोसाक बिद्यालय ब्यबस्थापन समितिका अध्यक्ष बिजय मल्ल, पुर्ब प्रअहरु खिमानन्द चन्द, शेर बहादुर मल्ल र स्वयम् प्रअ थापाले हस्तान्तरण गर्नुभएको हो ।
प्रधानाध्यापक थापाले प्रअ भएको समयदेखी नै आफ्नो भत्ताको रकम नलिएर बिद्यालय र बिद्यार्थीलाई कुनै न कुनै काममा लगानी गर्दै आउनुभएको छ । प्रअ थापाको सिर्जनसिल कार्यप्रती अभिभावकहरु खुसी भएका छ्न ।
सिस्ने पश्चिम नेपालको एउटा हिमाल हो । हिमालजस्तै दृढ भएर डिजिटल पत्रकारितालाई अगाडि बढाउन हामीले यो नाम रोज्यौं । हिमालजस्तै दृढ भएर अघि बढ्न संकल्प गर्ने यो हाम्रो सानो प्रयास हो।
